الأحد. نوفمبر 18th, 2018
tumblr_na9sqkGpRu1ta3mpoo1_1280.jpg

ترتيب أغراضي ..

صباح الخير بتوقيتكم وتوقيتنا ..
أمس كنت أكمل ترتيب أغراضي وطلعت لي هالشرايط الزايده من أعمالي ومثل ماتفضلتوا أمس وقلتوا لي تواجهكم نفس المشكلة.. قلت أشارككم ترتيبي لها..
أنا من أشد المعجبين بالمنظمات الزجاجية بكل أنواعها سواء برطمانات، تحف، مزهريات، كاسات،أواني ..
لو علي زينت كل غرفتي بل بيتي بهالاشياء ..لاني أعشق الالوان وأحب أظهرها قدر الامكان .. والزجاج وسيلة جميلة لحفظ الاشياء وبنفس الوقت إظهارها بشكل جمالي .. وكمان أسهل تشوفين كل شيء قدامك مايحتاج تجلسن تدورين بالعلب أو تحطين عليهم ستكرات تخرب شكلهم ..
أكيد لكل وحده منكم تفضيلها بحفظ وعرض أغراضها حسب ستايل غرفتها وطبعا ذوقها ..وأكيد طبعا في ملايين الطرق بالنت واليوتيوب عن طرق الترتيب والديكور .. بس لان في بنات كثير ودهم أعرض طرقي بالترتيب وبالذات مساحة عملي راح أشارككم كل هالاشياء على هذا الهاشتاق
#NezariWorkspace
راح تحصلون كل شيء يختص بمساحة عملي .. في أشياء قديمة وسبق تكلمت عنها تابعوها في الهاشتاق..
بالنسبة للشرايط اللي بقت فضلت أحطهم بهالزجاجة الشفافة كشكل جمالي زي ماذكرت وعملية أسحب اللي أبي بسرعة ..
بس عندي بعض الطرق طبقتها من النت راح أنزلها لكم بعد شوي …
بالاخير ودي تشاركوني مساحات عملكم ونستفيد من خبراتكم في تزيين وترتيب مكان العمل أو الدراسة .. نبي الكل يستفيد ..
أضيفوا مساحات عملكم على هذا الهاشتاق الخاص بكم #مساحة_عملي
أمتعونا.. وياليت ماتعبون الهاشتاق صور من النت… نبي شيء خاص فينا ومن باب خبرة وتطبيق ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Shopping cart

Total
Shipping and discount codes are added at checkout.
Checkout