الأثنين. سبتمبر 24th, 2018
tumblr_nc1mduh5kP1ta3mpoo1_500.jpg

قص الخطوط أو الكلمات العربية بالكاميو..


مساء الخير
تذكرون لمن قلت لكم اللي متردد و مو عارف هل يشتري جهاز القص الكاميو او لا؟ 
هذا هو السبب كنت أبي طولة بال منكم خصوصا اللي يبون يستمعون لتجارب حقيقية وفعلية
كل فتره راح أعمل دروس زي كذا منها نفيد اللي عندهم كاميو واللي حابين يتعلمون ويتحمسون يشترونها..


طبعا انا ماراح أعيب على الكاميو هذا الجهاز حبيب عيوني يعني اللي يبي يشتريه أقول له توكل على الله ولاراح تندم ابداااا .. بس تقاريري راح تكون فقط ملاحظات وتنبيهات على الجهاز أثناء العمل، بحيث اللي يحس نفسه قادر على تحدي هذي العقبات والملاحظات اذن مافي مشكله ابدا من تواجدها بمساحة عمله.



قبل خلونا نكمل العمل…
بعد ماخلصنا الكتابة يجي بعدها الترتيب والمحاذاة يعني كيف ابي تجي أبعادها وأحجامها.
اللي على أساسها بأرتب الورق على المات، زي ماأنتو شايفين رتبت قصاصات ورق مختلفه على المات حسب المقاسات اللي على مساحة العمل بالكمبيوتر.
مثلا كلمة عيدسعيد حبيت تكون مقصوصة على ورق باللون بالذهبي وكلمة بساطة وجمال باللون الازرق..وهكذا على بقية الكلمات ..
ولاحظوا القصاصات كلها كانت عندي من الاوراق القديمة اللي دايم أحتفظ فيها يعني لاترمون أي بقايا اوراق جميله زي كذا..
الحين بادخلها في الكاميو لتبدأ عملية القص …


هنا بدأت الكاميو تقص بس للاسف ماقصت الورقة اللي باللون الذهبي لانها شوي على كرتون وماكانت نفس سماكة الورق المقوى العادي..😕 فاتتني هالنقطة لان لازم من الاعدادات احدد سماكة الورق وكمان عمق الشفرة. انا كنت حاطة على ٢ لان الورق كان عادي، كل ماكان الورق أسمك نزيد في أرتفاع الشفرة يعني المفترض أخليها ٣ أو ٤ مو متأكدة بأرجع لكتيب الارشادات …


هذي النتيجة قبل أشيلهم من المات ..
ملاحظاتي:
 -الحروف أو اللغة العربية تختلف عن اللغة الانجليزية في تشبيك الحروف، يعني بالانجليزي تطلع الكلمة مقصوصة كامله مع بعض مثل كلمة “happy, love” الحروف كلها متشابكة. بينما العربي وللأسف الحروف في أغلب كلماتنا تجي مفرقة زي كلمة ” زمرد، سعادة”.
– لمن تجي الحروف متفرقة تكون صعبة ومتعبة في إنتشالها من المات خصوصا برضو مع النقاط وهذي مشكلة ثانية بالخط العربي، أغلب حروفنا فيها نقاط.
– الافضل كتابة كلمات متشابكة وبدون نقاط مثل كلمة “حلم”.
– اذا كان ولابد من قص كلمات على هذا الشكل فالأفضل تكون بمقاس كبير، ليسهل إنتشالها من المات والعمل مع النقاط والأحرف المنفصله بأريحية.
– يفضل قص الكلمات داخل تصميم بطريقة تضمن عدم إنفصال الاحرف عن بعض ( راح أوضح هالنقطة بعمل قادم).
– يفضل قصها على ورق لاصق “ستكرات” لضمان تماسك العمل.
– إختيار خطوط عريضة عند التصميم.
هذا اللي عندي كملاحظات أولية، اللي عنده إضافات بما يخص “قص النصوص” من أخواتي اللي سبق وتعاملوا مع الكاميو ياليت يشاركونا رأيهم عشان الكل يستفيد.
وشكرا لكم على تفاعلكم وحماسكم والله يقدرنا وينفع بنا على فعل الخير ونشر الفائدة…
دمتم بفكر راقي..


هنا موضوع متكامل عن الجهاز

ماهي آلة القص سيلويت كاميو؟


 #NezariSC

0 thoughts on “قص الخطوط أو الكلمات العربية بالكاميو..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Shopping cart

Total
Shipping and discount codes are added at checkout.
Checkout