الثلاثاء. سبتمبر 25th, 2018
blogger-image-2013112129.jpg

حلمي البولرايدي Fuji Instax Share..


مرحبا..

طول عمري أحلم بكاميرا بولرايد خصوصا هالتشكيلات القديمة .. أذكر كان عندنا زمان واحنا صغار وحده بس ماأدري فين أختفت ..!!





بعدين طلعت موضة الالوان الجديدة والاشكال الكيوتة زي اللي بهالصورة من شركة فوجي فيلم (صراحه بس شكلهم لوحده يونس كانها تحفه)..


من أشهر الماركات المصنعة لكاميرات وافلام البولرايد هي شركة بولرايد و شركة فوجي فيلم..

طبعا.. هو مو صعب علي لدرجة يكون حلم.. بس من كثر مااقول راح اشتريها كل مره ولاصار فرصة اشتريها.. شفتها بكذا محلات وعروض بس سبحان الله كأن في شيء يقول نوره لاتشترينها …!!

بعد فترة طلعت طابعة من فوجي فيلم  تطبع لك صور بولرايد …!!


عاد انا هنا عيووني طلعت .. كيف كيف كيف؟!!.
ابي أستوعب الفكرة شلون تطبع صور بولرايد يعني مايحتاج كاميرا فورية او كيف..!!
بعد ماشفت كم فيديو وشروحات .. قلت لا خلاص بلاش أحلام يانوره .. الان لازم تشترينها.. وكالعادة قعدت باللسته فتره وتوني عاد فضيت واشتريتها لاني حسيت وجودها ضروري هالايام لاني ابي أدون وافعل ألبوماتي الخاصة بالسفر ويوميات زمرد..

الان جاء دوركم تتعرفون على طابعة فوجي انستاكس شير Fuji Instax Share..

هي طابعة تطبع لك صور فورية من افلام بولرايد يعني تحمض لك الصور دايركت من الفيلم وتصير جاهزه بثواني زي اي صور بولرايد مأخوذه بكاميرا بولرايد..

بس وش الفرق..!!
وهنا لازم احط خط عريض .. هالطابعه تطبع لك اي صور بالعالم من جوالك من كمبيوترك من اي جهاز يرتبط معها بالواي فاي لان هذي هي التقنية المميزة بهذه الطابعه بأنها تعمل على خاصية الواي فاي بدون توصيل اي اسلاك او تعب، عملية جدا وتقدرين تأخذينها معك وانتي مسافرة وهذا السبب اللي خلاني اشتريها .. لاني حابه اطبع صورنا وادون قد مااقدر تحت الصور بشكل مباشر وفوري  ..واهم ميزه خلتني اشتري هالطابعه وافضلها على كاميرات البولرايد .. وهو حريتي الكاملة في طباعة اي صور احتاجها يعني مو شرط اشتري كاميرا بولرايد عشان اطبع صور بشكل بولرايدي .. ممكن بكاميرتي الاحترافية ومع اجمل التقاطات اطبع وبحريه الصور اللي ابي سواء كانت جديدها او ذكرياتك القديمة باي وقت .. حتى بجوالك تختارين الصور اللي تبين تطبعينها بعدين .. يعني بالكاميرا البولرايد ماعندك هالخيارات خلاص تصورين وتطبع لك حتى لو كانت الصوره مو حلوه ولاعاجبتك ..!!
انا مبدأي دائما في الشراء ابتعد عن اي شيء يحكرني ويخليني بدون خيارات ..!!
عجبتني الحرية والسلاسة في خيارات هالطابعه الجميله.. بجد بجد افضل شيء شريته بعد الكاميو..

هنا فيديو يشرح لكم طريقتها ..


والان راح أستعرض معكم بعض الصور محتويات الطابعة وكيفية إستخدامي لها:

طبعا أشتريت الطابعة من أمازون وكان سعرهم جدا مميز والافضل بس لازم تشترين مع الطابعة الفيلم لانه يجي مستقل وللاسف مامعها شاحن لازم تشترينه بعد..

طبعا اشتريتها ووصلتني خلال ٣ أيام ..وفية توصيل مباشر لبيتك في السعودية وحتى الشحن مايكلفك بس ٨ دولار..

هنا دليل الشراء للاشياء اللي لازم تشترينها..


اولا الطابعة نفسها اذا حابه تشترينها منفصله
 

قيمتها لوحدها بالدولار الامريكي $137.95 اي مايعادل ٥١٧ ريال سعودي 

بعدين الفيلم ضروري جدا لانها تجي بدون فيلم وهذا يحتوي على ٥٠ صورة


الشاحن لانها للاسف مامعها شاحن

 

هنا عرض شامل للطابعة مع الفيلم
  

شنطة لسهولة الحمل والتنقل بها وطبعا لحفظها
  

وهنا افلام بأشكال ومطبوعات مختلفه .. اللي فوق يجي سادة ابيض هذي فيها اشكال .. عجبني اللي بالعرض لان عندي صور بالعرض كثير.. راح اشتريه ان شاء الله..


   

هنا طلبيتي وصلت عبارة عن صندوق فيه الطابعه والثاني الافلام..


راح نبدأ مع الطابعه..


نفك الكرتون ونستمتع بالمفاجات..


هنا محتويات الصندوق


وهذا شكل الطابعة 



شكلها مره كيوت وعملي صغيرة وممكن تنشال بمحفظة وتنحط بالشنطة طلبت المحفظه اللي فوق وان شاء الله راح توصلني قريب..

الان جاء دور تركيب الفيلم ..


طبعا انا اشتريت هذا العرض الافضل اللي هو ٥ افلام وكل فيلم فية ١٠ صوريعني المجموع ٥٠ صوره ..حلوو بالمره بدون مااجلس اشتري كل فيلم لوحده لان فيه عرض ثاني اللي هو فيلم واحد ويحتوي على عشره صور..بس خلو مخكم عملي وتوفيري واشتروا ابو ٥ افلام افضل ..
وهذا شكل مجموعة الافلام مع بعض تجي في خمس أظرف منفصلة..



وهذا شكل الظرف..



وهنا بعد مافتحت الفيلم



مره سهل التعامل معها والتركيب.. الان نفتح الطابعه ونحط الفيلم جواتها ونستمتع..




بس قبل نسيت لازم نحط البطاريات والحمدلله جات معها بطارياتها ..


لاحظوا اول ماشغلتها عملت تجربة للطباعة ..



والان نبدأ المتعة …



اول شي نحمل برنامج الانستاكس شير من جهازك الخاص اللي راح تطبعين منه الصور مثل الايباد او الجوال .. التطبيق متوفر على ستور الابل وبعد الاندرويد ابحثوا تحت هالاسم Fuji Instax share او اتبعوا الروابط في الاسفل:

بعد مايتم تثبيت التطبيق بيطلع لكم خانة راح تحيركم شوي وهي الرقم السري طبعا انا باعطيكم المعلومة جاهزه واوفر عليكم البحث اكتبوا بالباسوورد 1111

وبعدها تطلع لكم هالواجهه، سهل التعامل معها نختار الصور اللي نبي نطبعها ونضغط على طباعة..


وهنا الصوره وهي قاعده تنطبع عالفيلم..


ننتظر شوي عشان تطلع وتبان الصوره زي ايام زمان..

مقاس الصورة نفس حجم بطاقة الصراف تبع البنك او الكردت كارد..


وتاادااا طلعت الصور جميله جميله جميله جداااااا حتى احلى من الصور اللي من الكاميرا البولرايد نفسها..



ملاحظة: افضل تطبعين صور معدل الاضاءه فيها شوي متوسط الى منخفض لانها بتطلع معك الصور فاتحه جدا ..
والان راح ابدأ االمتعة وتدوين ذكرياتي بكل سهولة وبساطة وجمال بعد ..
راح ازودكم بمواضيع شيقة مع تجربتي مع الصور البولرايد قريبا ..
وش رأيكم فيها ؟ راح تشترونها ؟ شاركوني رأيكم الجميل …
تحياتي

0 thoughts on “حلمي البولرايدي Fuji Instax Share..

  1. ان شاء الله اشتريها. . بصراحة من فترة وقعت ع دي الطابعة ف أمازون و نفسي فيها مشان أحفظ ذكريات أولادي بس مازلت للآن مترددة. . إن شاء الله اني أخذ قراري ف أقرب فرصة و اشتريها .. شكراً ع المعلومات اللي طرحتيها بصراحة فادتني كتير ..

  2. جزاك الله كل خير

    صراحه انا كنت ناوية اشتري كاميرا بولرايد

    بس الحين هونت وراح اخذ الطابعه لانها جد فلكسبل اكثر

    مشكوره وما قصرتي والله يوفقك

  3. الكاميرا ذكرتني بكاميرا الوالد الله يرحمه
    من جد الطابعه جميله احلى شي انها واي فاي وتشتغل مع اي جهاز بفكر فيها جديا واهم شي جوده الصور اللي افتقدتها بطابعتي
    شكرا لتعريفك لنا بهذا الشي الجميل وشكرا للتقرير المتكامل كالعاده وشكرا لانك دايم تشاركينا اجمل لحظاتك😘😘

  4. حلو كثير هالموضوع… أكيد هذه الطابعة بتدخل قائمة مشترياتي .. انا من أول عندي طابعة سلفي وحبيتها كثير وحجم الصور فيها نفس حجم صور الألبوم العادية لكن أحس هذه فعلا ميزتها مافيها أسلاك وتقدري تطبعي اي شي من جوالك وحتى لو مسافرة زي ما تفضلتي .. دخلت مزاجي .. يعطيك العافية

  5. بالعكس حجمها جدا مناسب وعملي واكثر شيء شجعني اشتريها حجم الصور ..لاني مااحتاج صور كبيره خصوصا لمن تكون صور فورية .. يعني ماراح تفرق عن الصور الفوتوغرافية العادية في شيء..!!

  6. الله يعطيك العافية على الشرح المفصل ,, فعلا دخلت مزاجي وحاشتريها بعد العيد ان شاء الله ,, عندي حاليا طابعة كانون الصغيرة وهيا ممتازة كمان بس الصور فيها كبيرة شوية تقريبا ربع A4 بس نتيجها مرة ممتازة ,,

    اللي عجبني في دي انها اصغر وفعلا ممتازة للألبومات لاني حاليا قاعدة اشتغل ع البوم لولدي ,,

    وفي معلومة ممكن تقوليها لمتابعينك انها تتباع في متجر قمرة ف الرياض

    http://www.qomra.pro/index.php?route=product/product&path=20_105&product_id=4526

    وممكن يطلبوها عن طريق الموقع ,,

    وممكن طلب ,,

    تنزلي تصاميم لعيد الفطر من فضلك نفس الأفكار اللي نزلتيها لعيد الأضحى
    مرة متحمسة اسوي بنفسي زينة العيد ويغالها وقت وبجلس اسويها كم دحين ,,

    طلب تاني >>>برررا ><

    تنبغى نشوف تصميمك للألبوم حق الصور

    ربي يسعد دنيا واخرى

  7. ووواااااوووو حممماسسس مرا جمميلة تحمست اطلبها طحت بغرامة وخصوصاً ان عندي الكاميرا الفورية واحلى شي انو زي ماقلتي اقدر اصور بكانون وانزلها ع جوالي وعقب اطبعها وعندي ظرف الفيلم حق الكام مدري اذا عادي اقدر استخدمة اتوقع اي يجي ع الطابعة اممم سؤالي اللحين لما اصور ب كانون وانتي عارفة حجم الصور بكانون كبير كيف اقدر اطبعها والظرف صغير! هل قبل الطباعة يعطيني الحجم ؟ وبس يسعدك ربي دنيا واخرة مرا محتاجتها وافدتيني ❤️❤️❤️❤️❤️❤️❤️

  8. ووواااااوووو حممماسسس مرا جمميلة تحمست اطلبها طحت بغرامة وخصوصاً ان عندي الكاميرا الفورية واحلى شي انو زي ماقلتي اقدر اصور بكانون وانزلها ع جوالي وعقب اطبعها وعندي ظرف الفيلم حق الكام مدري اذا عادي اقدر استخدمة اتوقع اي يجي ع الطابعة اممم سؤالي اللحين لما اصور ب كانون وانتي عارفة حجم الصور بكانون كبير كيف اقدر اطبعها والظرف صغير! هل قبل الطباعة يعطيني الحجم ؟ وبس يسعدك ربي دنيا واخرة مرا محتاجتها وافدتيني ❤️❤️❤️❤️❤️❤️❤️

  9. تسلمين على مشاركة هالمعلومات، بس السعر مبالغ فيه عند قمره ٧٠٠ ريال وهي فقط ب٥١٧ ريال من أمازون ..!!
    نزلت الافكار وان شاء الله اعجبتك…
    البوم الصور راح اكمله بعد رمضان بإذن الله ..

  10. تسلمين على مشاركة هالمعلومات، بس السعر مبالغ فيه عند قمره ٧٠٠ ريال وهي فقط ب٥١٧ ريال من أمازون ..!!
    نزلت الافكار وان شاء الله اعجبتك…
    البوم الصور راح اكمله بعد رمضان بإذن الله ..

  11. شكرا لك نورة على الشرح التفصيلي * احب اللي كذا * يازينك صراحة انا شفت مثلها بالضبط نفس المميزات لكن من شركة LG وتوي ادري ان فوجي فيلم عندهم مثلها ف اللحين احترت مدري وش اخذ اي وحده 🙁 

  12. شكرا لك نورة على الشرح التفصيلي * احب اللي كذا * يازينك صراحة انا شفت مثلها بالضبط نفس المميزات لكن من شركة LG وتوي ادري ان فوجي فيلم عندهم مثلها ف اللحين احترت مدري وش اخذ اي وحده 🙁 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Shopping cart

Total
Shipping and discount codes are added at checkout.
Checkout