الثلاثاء. سبتمبر 25th, 2018
blogger-image-2010446361.jpg

إعادة تغليف القرأن بالقماش ..

السلام عليكم ..
من فترة غلفت أو بمعنى أصح جددت تغليف مصحف قديم، حصلته بين أغراض أخواني السابقة وحسيت ان القماش منعدم من كثر الإستخدام لانه صغير ولونه فاتح و ينوضع بالشنطة فأكيد راح يشيل بعض البقع من الشنطة ..
ولان كثير بنات طلبوني درس تغليف مصحف او كتب بالقماش قلت أستغل تجديده كدرس لكم وايضا اضيفه لمجموعة المصاحف عندي ..
طبعا زي ماأنتو ملاحظين المصحف مغلف بلون فاتح وشمواه وهذا القماش غالبا يتبقع بسرعه خصوصا لو كان فاتح .. والافضل يكون فاتح القماش عشان يبان نظافة المصحف من الخارج و بنفس الوقت نحافظ على نظافته ..
الادوات اللي نحتاجها ولاشيء بصراحه لكن راح اكتب لكم بعض الادوات للمهتمات في صنع وتجديد المصاحف او تغليف الكتب بالاقمشة عموما :
ثانيا: الاكسسوارات هنا مجموعة إكسسوارات تزين حواف الكتب كثير سألوني عنها أضغطوا عالصور لتصفحها وشراءها
ثالثا: الغراء او الصمغ ويفضل إستخدام غراء قوي واللي بالعادة تكون للاستخدام المتعدد ويطلق عليها All Purpose وهي بالعادة تختلف في اسماء الماركات فقط ولكن كلها تؤدي لنفس الغرض بعضها يجي شفاف وبعضها ابيض بس يقلب بعدين شفاف وهذي افضل وأشهر الماركات الاكثر والاجود إستخداما تناسب اغلب الخامات من قماش و ورق ومعادن الخ..(
اضغطوا عالصور لمشاهدات المنتجات وشراءها)..


رابعا: تجليد أبيض (اختياري) اذا كان القماش فاتح والمصحف غامق..
بداية شلت كل الاكسسوارات اللي عالمصحف .. علامة القران واكسسوارت الحواف وخليتها على جنب فكرت استفيد منها في التزيين..
بعدين شلت القماش بطريقة جدا ناعمه نزعت الغلاف الورق الداخلي وشلت القماش من الاطراف..
نظفت المصحف بقطعة قماش من اي اثار عليه وبعدين حسيت لونه غامق كحلي و راح يبان من تحت القماش(لان القماش فاتح) فكرت اغلفه بتجليد ابيض او ورق ابيض لاصق.
بعد كذا نقص القماش وفكره حلوه استغليت القماش السابق وقصيت عليه مباشره بدون ماابدا من جديد بالقياسات ..
 بعد القص يفضل كوي القماش ..
وهنا شكله بعد ماغلفته كامل بالورق الابيض ..الان نحتاج نجيب صمغ لتركيب القماش وعلى فكره ممكن تستخدمون الصمغ المسدس بس لاتكثرين..
نبدأ بتركيب القماش ونراعي الاطراف تكون متساويه من الجهتين ..
 نحط صمغ بس على الاطراف بعد شد القماش بشكل كويس ..
نفس الطريقة من كل الاطراف ..
بعد مانتأكد باننا لصقنا القماش كويس ومافي اي مشاكل نبدا نرجع غلاف المصحف الداخلي الورق باضافة صمغ ..
وهذا شكله الخارجي بعد ماخلصنا تركيب القماش..
خطرت ببالي فكره اعمل له فاصل من الشرايط وبنفس النقشه المنقط..ثبتها من داخل قبل الصق القماش ..
بعدها رجعت الاكسسوارت السابقه للمصحف وطلعت مناسبه جدا ..
والاكسسوار اللي بالزاويه صبغته بلون اسود عشان يمشي مع الالوان ..
وهذا شكله النهائي ..
ان شاء الله اعجبكم الدرس السهل والسريع جدا .. ممكن تنفع الفكره كهدية بسيطه للوالده او صديقة عزيزه ..
بعدها فكرت اعمل له غلاف قصيته بجهاز القص الكاميو ..
وهنا فيديو اخترته من اليوتيوب  في بدايته طريقة تغليف بالقماش بس بحشو قطن او اسفنج إضافه للبنات اللي دايم يسألوني كيف ..
وهنا مختاراتي من البنترست لبعض الافكار لتغليف الكتب الملفات او الالبومات بإستخدام الأقمشة ..

0 thoughts on “إعادة تغليف القرأن بالقماش ..

  1. جزاك الله خير اختي نورة دايم مبدعه :$
    يالله حتى هالحدايد الصغيرة تنباع معلومه جديدة 0_0
    بس لما تكلمتي عن الأقشمه قلتي ان فيه موضوع متكامل عنه الرابط مو محطوط ع الكلام ( اقصد ما يطلع لي فوق كلمه هنا ان فيه رابط ) يارب كلامي مفهوم
    xD موفقه يارب ..

  2. جزاك الله خير اختي نورة دايم مبدعه :$
    يالله حتى هالحدايد الصغيرة تنباع معلومه جديدة 0_0
    بس لما تكلمتي عن الأقشمه قلتي ان فيه موضوع متكامل عنه الرابط مو محطوط ع الكلام ( اقصد ما يطلع لي فوق كلمه هنا ان فيه رابط ) يارب كلامي مفهوم
    xD موفقه يارب ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Shopping cart

Total
Shipping and discount codes are added at checkout.
Checkout